लोग यहाँ कहाँ कहाँ बटी ऐ बेर
हमर ले दुःख दर्द समझ गईं
तुम ले हमरे आदिम भया
मीडिया में आपण प्रचाराक लिजी
हमर दगड़ फोटू खिंचा गोछा
तुमर धन्यबाद छू
लोग निस्वार्थ भाव ल्हि बेर
यहाँ की की पूजे गईं
हमर बीच ऐ बेर रै ले गईं
आपुं नि खे बेर हमन खवा गईं
तुम ले ऐ बेर हमर बीच
आपण आदिम जै भया
हमर बणाईं नाश्ता खे गोछा
तुमर धन्यबाद छू
कई देशी-विदेशी संस्थाक लोग
कतिपय कम्पनीक लोग
हमर गाँवन गोद ल्हि बेर
हमर नन्तिनकि शिक्षा लिजी
समर्पण भाव लि बेर आईं
हमन आपण ऋणी बने गईं
तुम पें हमरे आदिम भया
उनर समर्पण में आपण हाथ बते गया
तुमर धन्यबाद छू
लोगनाक ह्रदय व्यथित छन
हमर दुःख देखि बेर आंसू टपकुनीं
हमरि आवाज़ में अपण सहयोग करनीं
हमर दुःख-दर्द सबन कें बतूँनी
तुम आपण आदिम भया
सब ठीक -ठाक छू के दिंछा
फेस बुक में बैठि बेर
हमरि फोटो शेयर करि दिंछा
तुमर धन्यबाद छू !
No comments:
Post a Comment